Huawei P9 – Европадаги энг яхши смартфон
Европа тасвир ва оҳанг ассоциацияси (EISA) йилнинг энг яхши мобил қурилмаларини эълон қилди. Унга кўра Huawei P9 2016-2017 йил мавсуми учун Европадаги энг яхши смартфон деб топилган. Ўтган йили Huawei P8 бундай мукофотга лойиқ кўрилган эди. Кўркам дизайн, кучли аппарат ва инновацион камера уйғунлиги Huawei P9 моделига бошқа смартфонлардан устунлик қилишга имкон берган.
Huawei компаниясининг берган маълумотига қараганда, компания ҳозиргача 4.5 млн дона Huawei P9 ва Huawei P9 Plus моделини сотишга муваффақ бўлган. Модел Франция, Финландия ва Буюк Британия истеъмолчиларида катта қизиқиш уйғотган.
P9 смартфони 5.2 дюйли full-HD экран, 3ГБ/4ГБ тезкор хотира ва 32/64 доимий хотира билан таъминланган. Қурилмага саккиз ядроли Kirin 955 64-битли кучли процессор, 3000 мА/соат сиғимидаги аккумулятор, 12 МПли асосий камера ва 8 МПли олд камера ўрнатилган.
Смартфон Android 6.0 Marshmallow операцион тизимида ишлайди.
