Мени кутгил ва мен қайтарман

Мени кутгил ва мен қайтарман

Машҳур Nokia 2017 йилда Android смартфонлар билан яна жаҳон бозорига қайтади. Nokia брендидан фойдаланиш ҳуқуқига эга бўлган Финландиянинг HMD Global Oy компанияси Android платформасидаги смартфонларни Хитойнинг Foxconn компанияси билан ҳамкорликда тайёрлашни режалаштирган. Foxconn, шунингдек, Apple маҳсулотларини ишлаб чиқариши кўпчиликка маълум.

Брендга яна аввалги оммабопликни қайтариш мақсадида HMD Global Oy собиқ Nokia ходими ва Rovio компаниясининг экс-директори Пекка Ранталани бош маркетолог сифатида ёллади.

Пекка Рантала 1994-2011 йиллар Nokiaда, 2014-2015 йилларда эса Rovio компаниясида (Angry Birds ва бошқа машҳур ўйинлар яратувчиси) фаолият юритган.

Эслатиб ўтамиз, Nokia Android базасида смартфонлар ишлаб чиқаришда маълум тажрибага эга. Microsoftга Nokia бренди сотилгунга қадар, компания Х сериясидаги Android смартфонларни тақдим қилган эди. Кейинчалик эса Nokia N1 планшети эълон қилинди. Планшет аввал Хитойда, кейинчалик бошқа бир қатор мамлакатларда сотилган.

Terabayt.uz сайтининг видеолари: Youtube'даги каналимизда!