Google: LG V20 Android 7.0 Nougat версиясидаги илк смартфон бўлади
Аввалроқ LG V20 модели Android 7.0 Nougat версия билан ишлаб чиқариладиган илк смартфон бўлиши ҳақида хабар берган эдик.
Сўнгги янгиликларга қараганда, мазкур смартфон АҚШнинг Сан-Франциско шаҳрида 6 сентябрь куни намойиш этилади. Смартфон Android 7.0 Nougat версиясида ишлаб чиқариладиган илк смартфон бўлиши Google томонидан тасдиқланган.
Ҳозирча LG V20 моделининг дизайн ва техник кўрсаткичлари ҳақида унчалик кўп маълумот мавжуд эмас. Олдинроқ сайтимизда берилган хабарларда ушбу смартфон дуал камера ва 32-битли Hi-Fi Quad DAC чип ўрнатилган жаҳондаги илк смартфон бўлиши тўғрисида ёзган эдик.
