UzMobile GSM’дан тунги интернет пакетлар

UzMobile GSM’дан тунги интернет пакетлар

23 август куни UzMobile мобил оператори ўзининг фейсбук саҳифасида тунги интернет хизматини ишга туширганини маълум қилган. Хизмат ҳақида батафсил компания сайтида танишиш мумкин.

Хизмат Pre-paid  тизимидаги абонентларга мўлжалланган ва кунлик ва ойлик тарифларни ўз ичига олади.

1 тунлик чекланмаган тезликка эга пакетда 5000 Мб трафик бўлиб, нархи 1,5 долларни ташкил этади.

30 тунлик пакетда ҳам бир тунги интернет трафиги 5000 Мб этиб белгиланган. Нархи 30 доллар.

Тунги пакетлардан соат 1:00 дан 7:59 гача фойдаланиш мумкин. Бунда абонентнинг тариф режасига киритилган трафик сарфланмайди.

Яна компания сайтида ёзилишича, агар абонент томонидан узатилган ва қабул қилинган трафик бир суткада 5000 мегабайтдан ошиб кетса, интернет тезлиги 64 Кбт/сониягача пасаяди. Бир вақтнинг ўзида хизматнинг фақат бир турини фаоллаштириш мумкин.

Сайтимизнинг энг чиройли расмларини Инстаграмдаги саҳифамизда томоша қилинг!