“Билайн” ва Vector ёш тадбиркорларни ўз ғояларини лойиҳаларга айлантиришни ўргатишади
“Билайн” шаҳар тадбиркорлари онлайн-институти “Стрелка” Vector билан биргаликда Барселонада Жаҳон мобил конгрессида бўлиб ўтадиган Global Mobile Challenge танловининг босқичи бўлмиш Eurasia Mobile Challenge ҳалқаро инновациялар танловини қўллаб-қувватлаш мақсадида таълим лойиҳасини ишга туширмоқдалар. Чемпионатнинг Евросиё босқичи иккинчи маротаба Ўзбекистон, Армения, Грузия, Россия, Қозоғистон, Қирғизистон, Тожикистон ва Украинада бўлиб ўтади.
2016 йилнинг 15 октябрь кунига қадар eurasiamobilechallenge.com сайтида ғоя, концепция, ёки digital-ечимнинг прототипини рўйҳатдан ўтказган танлов иштирокчилари тадбиркорлик соҳасида ҳалқаро ва россиялик экспертлар билан биргаликда “Стрелка” Институти тарафидан яратилган 2 таълим курсига бепул кириш имконини оладилар.
Vector экспертлари стартапларни жорий қилиш соҳасида тайёргарлик ва махсус билимларга эга бўлмаган техник ёки гуманитар мутахассисликга эга бўлган ёш тадбиркорлар – Eurasia Mobile Challenge иштирокчилари учун 2 дастурни танлаб олдилар.
Биринчи курс “Қандай қилиб мобил илова яратиш мумкин” деб номланган бўлиб, ғояни оммабоп иловага айлантиришни истаганлар, лекин аввал бу ишни амалга оширмаганлар учун мўлжалланган. Муваффақиятли лойиҳаларни яратган 25 яратувчи илк ғояларни текшириб, бозорга тайёр маҳсулотни тақдим этишгача бўлган ҳар бир босқичда қандай иш тутиш ва нималарга аҳамият бериш ҳақида ўз тажрибалари билан улашадилар.
Иккинчи курс “Тадбиркорлар учун молиявий саводхонлик” деб номланган бўлиб, ғоя, хобби ёки лойиҳани пуллаш моделини танлаш, бизнес-план тузиш ва инвесторлар ва банклар билан мунособатлар қуриш ҳақида гапириб берилади.
Исталган пайт онлайн таълим олиш мумкин, дарслар эркин тартибда ўтилади, ўқув материаллари эса рус тилида тақдим этилади. Онлайн-платформа туфайли курсларга Ўзбекистон, Армения, Грузия, Россия, Қозоғистон, Қирғизистон, Тожикистон ва Украинадаги ёш тадбиркорлар кириш ҳуқуқини оладилар.
Vector шаҳар тадбиркорлар онлайн-мактаби — тадбиркорлик фикрлаш шаклига эга бўлишни истаганлар учун маскандир. Курслар инсонларнинг эҳтиёжларини тушунишга ёрдам беради, муаммоларни қандай қилиб ечимларга, ғояни — маҳсулотга айлантириш, шунингдек тижорат, ижтимоий, кенг кўламли ва кичик муваффақиятли лойиҳаларни яратиш ҳақида сўзлаб берилади.
Евросиё инновациялар танлови — тадбиркорлик билимларни яхшилаш, ностандарт фикрлашни намоён этиш ва пуллик соврин ютиб олиш учун имкондир. Икки йилдан бери Eurasia Mobile Challenge VimpelCom Ltd. Гуруҳининг “Make Your Mark” (“Ўз изингни қолдир”) ижтимоий ташаббусини қўллаб-қувватлаб, ёшларга уларнинг техник билимларига қарамай, келажакни барпо этиш, умуман мамлакатда, шунингдек ҳудудий даражада иқтисодий ўсишни рағбатлантиришга имкониятларни яратиб беради. Танлов digital-, мобил, молиявий, cloud (булутли) ва М2М ечимлар, big data, шунингдек ижтимоий муаммоларни бартараф эта оладиган иловаларнинг концепциясини ёки тайёр прототипини тақдим эта оладиган техник ва гуманитар мутахассисликдаги ёшларга, ёш тадбиркорлар ва стартаперларга мўлжалланган.
Ҳар бир иштирокчи-мамлакатда чемпионатнинг маҳаллий босқичи бўлиб ўтади, унинг доирасида иштирокчилар ўз мамлакатларидаги рақиблари билан беллашадилар. 24 гуруҳ (ҳар бир мамлакатдан 3 гуруҳ) ҳудудий босқичнинг финалига йўл оладилар. Ҳудудий финалнинг 3 ғолиби пуллик совринга эга бўладилар ва 2017 йилда Барселонада Ҳалқаро Мобил конгрессида бўлиб ўтадиган глобал финалда курашни давом эттирадилар. Ҳудудий босқичлар чоғида ҳар бир иштирокчи семинарлар, мастер-класслар ва питч-сессияларда ўз концепциясини ғояларини тайёр мобил ечимга айлантиришда кўмак бера оладиган маҳаллий ва ҳалқаро экспертлар ва менторлар билан биргаликда тест синовидан ўтказиш, кам-кўстини тўлдиришлари мумкин.
Ғояни рўйҳатдан ўтказиш ва Vector шаҳар тадбиркорлари онлайн-мактабининг курсларига чегирмани қўлга киритиш учун Eurasia Mobile Challenge сайтида ариза қолдириш керак.
Рўйҳатдан ўтиш тугагандан сўнг иштирокчига мактубда Vector курсларини ўтиш учун чегирмали промо-кодли маълумот келади.
Танловда рўйҳатдан ўтиш 2016 йилнинг 15 октябрь кунига қадар давом этади.
