Хитойда табассумли телефон ишлаб чиқарилади
Хитойнинг телекоммуникация қурилмаларини сертификациялаш маркази (TENAA) базасида LeEco компаниясининг иккита камерали табассумли телефони рўйхатга олинган.
X652 индексига эга бўлган мазкур смартфон орқа камераларнинг ўзига хос дизайни билан ажралиб туради. Камералар худди табассум қилаётган смайликка ўхшайди. Шу билан бирга смартфон ён рамкалардан холи, iPhone 7, Meizu Pro 6, MX6 моделларига кўлланилган эгилган антенна чизиқларига эга.
LeEco X652 5,5 дюймли IPS-экран (1920х1080 пиксель аниқлигида), 7,5 мм қалинликдаги корпусга ўрнатилган 3900 мА/соат сиғимидаги батарея, 3 ГБ тезкор ва 32 ГБ доимий хотирага эга. Смартфоннинг орт томонида ҳар бири 13 МП бўлган иккита камера ўрнатилган. Олд камера – 8 МП. Смартфон MediaTek Helio X25 процессори ва Android 6.0 Marshmallow дастурида ишлайди. Янги моделнинг анонси тез орада бўлиб ўтиши кутилмоқда.
