Электрочемодан: энди сиз чемоданни эмас, чемодан сизни кўтаради (Видео)

Электрочемодан: энди сиз чемоданни эмас, чемодан сизни кўтаради (Видео)

Чикаголик бир гуруҳ тадбиркорлар устига миниб олиб, аэропортнинг бошқа терминалига ёки текис йўлли бошқа манзилга элтадиган электрочемоданни ихтиро қилишди. Бундай чемодан, шубҳасиз, кўп саёҳат қиладиган инсонларга жуда қўл келади.

“Биз одамларни дангаса қилмоқчи эмасмиз. Гап шунчаки вақтдан самарали фойдаланиш тўғрисида боряпти”, – дейди чикаголик тадбиркор Кевин О’Доннелл.

Чемоданга 117 килограммгача вазн босадиган исталган киши ўтириб, кўзланган манзилига етиб бориши мумкин. Электрочемон соатига тахминан 8-12 км тезлик билан ҳаракатланади. Бу аэропортдаги ўзиюрар йўлкалардан бир мунча тезроқ. Чемодан батареясининг заряди 1 соатга етади. Энг қизиғи, унда махсус слотлар бўлиб, улар орқали смартфонларни ҳам зарядлаш мумкин. Бу эса, албатта, узоқ давом этадиган саёҳатларда жуда ҳам фойдалидир.

Чемоданни 1000 АҚШ доллари эвазига сотиб олиш мумкин.