Раскладушка ишқибозлари учун: Samsung Galaxy Folder 2

Раскладушка ишқибозлари учун: Samsung Galaxy Folder 2

Хитой интернет ресурсларида Samsung Galaxy Folder 2 номли раскладушка форм-факторидаги телефон суратлари пайдо бўлди. Телефон Хитой телекоммуникация қурилмаларини рўйхатга олиш базасида қайд этилган бўлиб, у 15,5 мм қалинликдаги корпусга эга. Тарқатилган суратда тилларанг Galaxy Folder 2 телефонини кўриш мумкин. Қопқоқнинг ички қисмида жойлашган дисплейнинг катталиги 3,8 дюйм, аниқлик даражаси – 800 × 480 нуқта.

Смартфон Qualcomm компаниясига тегишли Snapdragon 425 (4 ядроли 1,4 ГГц частотадаги RM Cortex-A53) процессорида ишлайди. Қурилмага Adreno 308 русумидаги график процессор ва X6 LTE модеми ўрнатилган. Тезкор хотира – 2 ГБ, доимий хотиранинг ҳажми эса 16 ГБ. Шу билан бирга смартфон хотирасини microSD-карта ёрдамида кенгайтириш мумкин. Смартфон 8 МПли асосий ва 5 МПли олд камералар билан таъминланган.

Аккумулятор сиғими – 1950 мА/ст. Бу смартфоннинг бир кунлик иши учун кифоя қилади.

Телефоннинг габаритлари – 122 × 60,2 × 15,5 мм, оғирлиги – 155 гр. Ретро форм-фактордаги қурилма Android 6.0.1 Marshmallow версиясида ишлайди.

Сайт янгиликларидан доимий хабардор бўлиш учун Телеграм каналимизга қўшилинг!