Авcтралия авиакомпаниялари самолёт бортида Samsung Galaxy Note7’дан фойдаланишни тақиқлади
Авcтралиянинг учта йирик авиакомпаниялари Qantas, Jetstar ва Virgin Australia самолёт бортида
Galaxy Note7 смартфонидан фойдаланишга чеклов қўйишди. Жанубий Кореялик гигант ўзининг флагман фаблетини дунё бўйлаб расман қайтариб олаётгани авиакомпанияларни шундай қарор чиқаришга мажбур қилган. Бу ҳақда regnum нашри хабар берган.
Август ойининг бошида глобал тақдимоти ўтказилган мазкур телефоннинг батареясида юзага келган носозлик натижасида ёниб кетиш хавфи аниқланганлиги сабабли Samsung Electronics сотилган 2,5 млн дона аппаратни қайтариб олаётгани тўғрисида хабар берган эдик.
Эслатиб ўтамиз, 2016 йилнинг февралида Халқаро фуқаролик авиацияси ташкилоти (БМТ агентлиги ҳисобланади) самолёт бортига литий-ионли батареяларни олиб киришни тақиқлаган эди. Бунга ушбу батареяларнинг ёнғин келтириб чиқаришдаги эҳтимоли сабаб бўлган.
