OnePlus Apple устидан кулди

Сўнгги йилларда шиддат билан смартфон саноатига кириб келаётган Хитойнинг OnePlus компанияси кеча ўзининг Фейсбук саҳифасида Apple устидан кулди. Ҳазилга Apple’нинг кеча намойиш этилган iPhone 7 ва iPhone 7 Plus телефонларида наушникка мўлжалланган уяни олиб ташлагани сабаб бўлган. OnePlus саҳифасида 2016 йилнинг энг кучли смартфонларидан бири деб топилган OnePlus3 моделининг ост томондан тасвири берилиб, қуйидагича пост қолдирилган: “Сизда наушник бўлса, OnePlus3’да наушник слоти бор. Бу оламшумул кашфиёт эмас!” (инглиз тилидан эркин таржима)

Компания бу билан кеча iPhone 7 ва iPhone 7 Plus тақдимотларини ўтказган Apple устидан кулмоқчи бўлган. Эндиликда  iPhone 7 ва iPhone 7 Plus смартфонларидан стандарт наушниклардан фойдаланиш учун махсус коннектор керак бўлади. Албатта, коннектор янги “олма”ларнинг комплектида бирга тақдим этилади. Аммо бу нарса, шубҳасиз, фойдаланувчига бироз ноқулайлик туғдириши мумкин. Бироқ қўшимча тўлов звазига Apple Airpods симсиз наушникларини сотиб олиш таклиф этилмоқда. Нима ҳам дердик, “Олма” ўз репертуаридаги ролни яна қойилмақом ижро этмоқда 🙂