Philips Xenium E570 – кучли батареяли телефон

Philips компанияси классик моноблок форм-факторидаги кучли батареяга эга Xenium E570 моделини тақдим қилди. Телефонда механик клавиатурадан фойдаланиш мумкин.

Янги моделга 3160 мА/ст сиғимидаги аккумулятор ўрнатилган бўлиб, у битта тўлиқ зарядланишда сўзлашув режимида 58 соат, кутиш режимида эса 170 кун ишлаши мумкин. Шунингдек, Philips Xenium E570 телефонини бошқа мобил қурилмаларни зарядлашда ҳам ишлатиш мумкин.

Телефон икки SIM-картани қўллаб-қувватлайди, 2,8 дюймли (240Х320 пиксель) TFT матрицали экранга эга. Унга 2 МПли камера ўрнатилган, телефонда MP3-плеер, фонар, FM-радио ва Bluetooth A2DP модули кўзда тутилган. Телефон хотирасини microSD карта ёрдамида кенгайтириш имконияти мавжуд.

Philips Xenium E570‘нинг габаритлари – 133.5х58.6х15.7 мм, оғирлиги – 156 г. Янги моделнинг нархи – 76 доллар.