Dell кичик бизнесга йўналтирилган ихчам ноутбукларни тақдим этди
Dell компанияси кичик бизнесга мўлжалланган ихчам Latitude 13 3000 сериясидаги ноутбукларни намойиш қилди. Мазкур сериядаги моделлар нисбатан арзон ва яхши базавий конфигурацияларга эга.
Сериядаги ноутбукларга 13,3 дюймли сенсорли Full HD (1920 х 1080 пиксель) аниқлигидаги экран ўрнатилади. Энг қизиғи, ноутбукларни букиб, улардан турли режимларда фойдаланса бўлади. Ноутбуклар олтинчи авлод Intel Core i3 ёки i5 процессорларида ишлайди, максимум 16 ГБ тезкор хотира ва 512 ГБ SSD билан таъминланади.
Бундан ташқари, Windows Hello учун юзни таниш мақсадида инфрақизил сенсор ҳам кўзда тутилган. Ноутбук HDM, тўлиқ ўлчамли USB, USB Type-C ва SD-карта портларига эга. Стандарт конфигурациядаги Dell Latitude 13 3000 моделининг нархи 699 долларни ташкил қилади. Сериядаги энг қиммат модель 1099 АҚШ долларига баҳоланган.
