Meizu компанияси Pro 6S ва Pro 6 Plus телефонларини тайёрлаяпти

Интернет тармоғидаги нашрларда берилган маълумотларга кўра, Хитойнинг Meizu компанияси Pro 6S ва Pro 6 Plus смартфонларини октябрь ойининг сўнгида намойиш этади.

Meizu Pro 6S моделига 5,2 дюймли экран ва MediaTek Helio P20 процессори ўрнатилса, Pro 6 Plus эса 5,7 дюймли дисплей ва Samsung Exynos 8890 процессори билан таъминланади.

Бундан ташқари, Хитойнинг 3С ташкилоти томонидан яқинда Meizu’нинг М611А сериясидаги 4,7 дюймли Yun OS интерфейсида ишлайдиган телефони ҳам сертификатланган. Ҳозирча ушбу смартфоннинг арзон моделлар қаторига киритилиши тахмин қилинмоқда.

Pro 6S ва Pro 6 Plus моделларига қарашли бошқа техник параметрлар маълум қилинмаган.