Stigo L1e – йиғиладиган электрли скутер

Stigo L1e – йиғиладиган электрли скутер

Яқинда Европада йиғиладиган конструкциясидаги электрда ҳаракатланадиган Stigo L1e скутери сотувга чиқарилди.

Қурилмага 250 Ватт бирликдаги электр мотор ва литий-ионли батареялар ўрнатилган. Скутернинг максимум тезлиги – 25 км/соат. Ишлаб чиқарувчининг таъкидлашича, скутер бир марта тўлиқ зарядлангач, 30 км атрофида масофа босади. Қурилмани оддий электр розеткасидан қувватлаш мумкин.

stigol1e02

Йиғиладиган конструкцияси скутернинг асосий хусусияти ҳисобланади. Транспорт воситасини бир неча сония ичида йиғиш ва қайта очиш мумкин. Оғирлиги – 13,9 кг, йиғилган ҳолатда у 48 х 40 см жой эгаллайди, холос. Шунинг учун скутерни машина юкхонасига жойлаш, жамоат транспортларида муаммосиз кўчириш мумкин. Бундан ташқари, йиғилган скутерни махсус ғилдиракчалар ёрдамида тортиш мумкин. Бу албатта, фойдаланувчига қўшимча қулайлик беради.

stigol1e05

Скутерга тезлик ва қолган батарея зарядини кўрсатадиган дисплей ҳам ўрнатилган.

Stigo L1e моделини 1700 евро эвазига харид қилиш мумкин.

 

Terabayt.uz сайтининг видеолари: Youtube'даги каналимизда!