Nokia катта экранли Android планшет тайёрлаяпти

Nokia катта экранли Android планшет тайёрлаяпти

Бундан бир неча кун олдин Antutu бенчмаркида Nokia D1C моделига тегишли техник кўрсаткичлар пайдо бўлгани ҳақида хабар берган эдик. Бироқ бенчмаркда қурилманинг экран катталигига доир маълумот берилмагани туфайли барча нашрлар афсонавий бренднинг янги моделини смартфон деб тахмин қилишган.

Бугун  GFXBench бенчмаркида Nokia D1C  моделига қарашли қўшимча тафсилотлар ошкор этилди. Тафсилотлардан мазкур модель Nokia‘нинг Android базасидаги смартфони эмас, балки катта планшет эканлиги маълум бўлди. Гаджетга 13,8 дюймли Full HD экран, саккиз ядроли 1,4 ГГц частотада ишлайдиган Snapdragon 430 процессори, 3 ГБ тезкор ва 16 ГБ доимий хотира ўрнатилади. Модель 16 МПли асосий ва 8 МПли олд камерага эга бўлади. Қурилма Android 7.0 Nougat дастурида ишлаши кутилмоқда.

Ҳозирча планшетнинг қачон тақдим этилиши маълум қилинмаган.

Хабарларни тез ва осон ўқиш учун Андроид иловамизни сақлаб олинг.