HP фирмаси 2017 йилда ноутбуклар бозорининг етакчисига айланиши мумкин
Digitimes аналиктикларининг берган прогнозига кўра, жаҳон бўйича 2016 йилда жами бўлиб 150 млн дона ноутбук ишлаб чиқарилиши кутилмоқда. Ушбу кўрсаткич аввалги йилга қараганда 7,2 фоизга камроқдир. Тадқиқотчиларнинг фикрича, ушбу ҳолатга Apple томонидан MacBook сериясининг янгиланиши ва янги Windows 10 дастурининг пулли ўрнатилиши сабаб бўлган.
Бундан ташқари, соҳада янги инновацияларнинг камлиги ҳам ноутбуклар бозорига салбий таъсир кўрсатмоқда. Бироқ шунга қарамай, 2017 йилда корпоратив сегмент ҳисобига ноутбукларга бўлган талаб юқорилигича қолаверади.
Мутахассисларнинг қайд этишича, АҚШнинг HP.Inc компанияси 2017 йилда Хитойнинг Lenovo фирмасини ортда қолдириб, ноутбук сотуви бўйича жаҳонда етакчига айланиши мумкин экан. Сабаби HP компанияси рақобатбардош маҳсулотлар қаторига ва корпоратив сегментда кучли позицияга эгадир. Lenovo фирмаси Хитойдаги ўта кескин рақобат ва Европадаги муаммоли ҳамкорлик стратегияси боис ўзининг етакчилик позицияларини қўлдан бой бериб қўйиши эҳтимолдан холи эмас.
