Янгиланган Razer Blade Pro – бақувват ноутбук-геймер

Янгиланган Razer Blade Pro – бақувват ноутбук-геймер

Razer компанияси Blade Pro ноутбукининг янгиланган 2016 йил версиясини намойиш этди. Геймерларга мўлжалланган мазкур кучли техник параметрларга эга ноутбукнинг бу йилги версиясида ҳам бир қатор аҳамиятли ўзгаришлар пайдо бўлган. Ноутбук замонавий модуллар билан жиҳозланган ва юпқа корпусда ишланган.

Razer Blade Pro ноутбукининг қалинлиги 23 миллиметрни ташкил этади, оғирлиги эса 3,5 кг. Ноутбук олтинчи авлод Skylake сериясидаги Intel Core i7-6700HQ процессорида ишлайди. Унга DDR4-2133 стандартидаги 32 ГБгача бўлган оператив хотира ҳамда энг илғор NVIDIA GeForce GTX видеокартасини ўрнатиш мумкин.

Razer_blade_pro_5-1

Ноутбукда 2 ТБ доимий хотира кўзда тутилган, Sharp компанияси томонидан ишлаб чиқилган IGZO панель дисплейнинг диагонали 17, 3 дюйм бўлиб, у Ultra HD форматигача бўлган тасвирни намойиш қилиш имкониятига эга. Қурилмада учта USB 3.0 порти, битта USB-C, тармоқ картаси, наушник слоти, HDMI 2.0 ва мультиформатли карт-ридер мавжуд.

Янги Razer Blade Pro ноябрь ойида расман тақдим этилиши кутилмоқда, у $3700 нархида сотувга чиқарилиши маълум қилинган.

Сайтимизнинг энг чиройли расмларини Инстаграмдаги саҳифамизда томоша қилинг!