Samsung Galaxy S5 mini Android Marshmallow’га янгиланмоқда

Samsung Galaxy S5 mini Android Marshmallow’га янгиланмоқда

Жанубий Корея компаниясининг 2014 йилда чиқарилган S сериясидаги флагманининг мини версияси – Samsung Galaxy S5 mini модели Android Marshmallow дастурига янгиланишни бошлади. Сирасини айтганда, мазкур смартфон фойдаланувчилари бундай янгиликни кутишмаган эди.

Samsung Galaxy S5 mini учун энг йирик дастурий янгиланиш – Android 5.1.1 Lollipop ўтган йили чиқарилган. Шундай бўлса-да ишлаб чиқарувчи ваъдасини бажарган ҳолда ушбу модель учун Android Marshmallow версиясини чиқаришга қарор қилди. Янги Android версия биринчи бўлиб россиялик фойдаланувчилар учун юборилди. Демак, Марказий Осиё мамлакатларида яшайдиган Galaxy S5 mini фойдаланувчилари ҳам Android Marshmallow версиясига тез орада смартфонларини янгилашлари мумкин.

Ҳозирча Android Marshmallow версияси фақат иккита SIM-картали SM-G800H модели учун чиқарилган. Янгиланиш файли тахминан 800 МБ атрофида. Android Marshmallow дастури орқали мазкур модель эгалари турли янги функциялардан фойдаланишлари мумкин. Смартфон интерфейси бошқача дизайнга эга бўлади, дастурий таъминот ҳимояси бир қадар кучайтирилади.