HD экранли арзон Xiaomi Redmi 4A расман тақдим қилинди
Хитойнинг Xiaomi компанияси кеча Redmi 4 ва Redmi 4 Pro смартфонлари билан бир қаторда арзон Redmi 4A моделини ҳам расман намойиш этди.
Моделнинг нархи 74 АҚШ долларини ташкил этади.
Xiaomi Redmi 4A 5 дюймли HD аниқлигидаги IPS экран, 13 МПли (f/2.2) асосий ва 5 Мпли олд камера, тўрт ядроли Snapdragon 425 процессори ва 2 ГБ тезкор хотира билан жиҳозланган. Доимий хотирасининг сиғими 16 ГБ, бироқ уни microSD ёрдамида 128 ГБгача кенгайтириш мумкин. Батареянинг сиғими – 3120 мА/соат. Гарчи қурилмага бармоқ изи сканери ўрнатилмаган бўлса-да, бироқ у ИК-порт ва 4G модуль билан таъминланган.
Моделнинг арзон нархи унинг энг муҳим хусусияти ҳисобланади. Xiaomi Redmi 4A икки хил рангда (тилларанг ва пушти) 11 ноябрдан бошлаб Хитойда сотувга чиқади.