Қора рангли ялтироқ Galaxy S7 – Samsung’дан Apple’га жавоб

Шу йилнинг сентябрь ойида тақдим этилган iPhone 7 ва iPhone 7 Plus смартфонларининг қора оникс рангли версиялари мижозларнинг эътиборини кўпроқ жалб қилди. Apple’нинг энг ашаддий рақиби Жанубий Кореянинг Samsung компанияси қора оникс рангли iPhone 7 моделига жавоб тарзда Galaxy S7 қурилмасининг қора рангдаги ялтироқ версиясини чиқармоқчи. iPhone 7 ва iPhone 7 Plus моделларидаги қора оникс ранги алюминийни махсус технология ёрдамида полировка қилиш натижасида ҳосил қилинган. Шунинг учун ишонч билан айтиш мумкинки, қора рангли ялтироқ Galaxy S7 “Олма” қурилмаларидан кескин фарқ қилади.

Бу ҳақда Phonearena нашри берган хабарга кўра, Galaxy S7’нинг мазкур рангдаги варианти декабрь ойида сотувга чиқарилади. Samsung Galaxy S7 шу кунгача 5 хил ранг (қора, оқ, тилла ва кумуш, яқинда эса пуштиранг варианти тайёрланди) версиясида харидорларга таклиф қилинган.