Fujitsu Stylistic R727 – Intel Kaby Lake процессорида ишлайдиган планшет

Fujitsu Stylistic R727 – Intel Kaby Lake процессорида ишлайдиган планшет

Fujitsu Forum 2016 конференциясида Япониянинг Fujitsu компанияси янги компьюьерлар қаторида Stylistic R727 номли планшетни ҳам намойиш қилди, дея хабар бермоқда IXBT Notebook Italia сайтига таяниб.

Планшетнинг корпуси алюминий ва магний қоришмасидан ишланган, оғирлиги – 830 грамм. Fujitsu Stylistic R727 сўнгги авлоддаги Intel Kaby Lake мобил процессорида ишлайди. Жумладан, унга Intel Core i3-7100U (2,4 ГГц), Core i5-7200U (2,5-3,1 ГГц) ва Core i7-7500U (2,7-3,5 ГГц) процессорларини ўрнатиш мумкин. Оператив хотирасининг сиғими 4-16 ГБни ташкил қилади. М.2 тўплагичнинг ҳажми эса 128-512 ГБ доирасида.

Қурилмага 12,5 дюймли Full HD аниқлигидаги PLS экран, 5 ва 2 МПли камера, USB 3.0 порт ва Mini DisplayPort видео-слоти ўрнатилган. Wi-Fi 802.11ac, Bluetooth 4.1, NFC ва баъзи версияларда LTE модуллари кўзда тутилган.

Планшет 2017 йилда сотувга чиқади, нархи ҳозирга номаълум.

Terabayt.uz сайтининг видеолари: Youtube'даги каналимизда!