Pine64 компанияси арзон Linux-ноутбукларни сотувга чиқаради

Pine64 компанияси ўтган йили Pine А64 номли бир платали Allwinner A64 ARM Cortex-A53 процессорида ишлайдиган, нархи 15 доллардан бошланадиган ҳамёнбоп компьютерни яратган эди. Бу гал эса у айнан ушбу процессор базасида ультра арзон ноутбукни ишлаб чиқаришга қарор қилди.  Pinebook номли мазкур ноутбук Android ва Linux-платформаларда фаолият кўрсатади.

Ferra cайтининг маълум қилишича, Pinebook икки хил версияда (11,6 дюймли ва 14 дюймли) тайёрланади. IPS технологиясида яратилган экраннинг аниқлиги Full HD форматида. Оператив хотирасининг сиғими – 2 ГБ, созланган eMMC 5.0 тўплагич эса 16 ГБ хотирага эга. Ноутбукда Wi-Fi (802.11b/g/n) ва Bluetooth интерфейслари қўллаб-қувватланади, USB 2.0 ва mini HDMI портлар, microSD ва наушник слотлари қўзда тутилган.

11 дюймли версиянинг нархи 89 доллар, 14 дюймли версия эса ундан 10 долларга қимматроқ!