VLC медиаплеерида 360 градусли видеоларни кўриш мумкин бўлади

Изоҳ йўқ

Деярли барча видео форматларини қўллаб-қувватлайдиган VLC медиаплеерида 360 градусли видеоларни кўриш имконияти пайдо бўлди. Ҳозирча бундай функция Windows ва macOS платформалари учун синовдан ўтказилмоқда. 3D News нашрининг ёзишича, мазкур янгилик медиаплеернинг VLC 3.0. версияси орқали барча фойдаланувчилар эътиборига ҳавола этилади.

Ушбу имкониятни плеерга қўшиш учун VLC муаллифи VideoLan 360 градусли камералар ишлаб чиқарадиган Giroptic компанияси билан ҳамкорлик қилган. Намойиш бурчагини сичқонча ёки клавиатура орқали бошқариш мумкин. VideoLan бундай функцияни тез орада плеернинг мобил иловаларига татбиқ этишга ваъда берган. Бундан ташқари, VLC плеерига яқинда 360 градусли овоз функцияси ҳам жорий қилиниши ҳақида ҳам хабар берилган.

Бизни Телеграм орқали кузатиб боринг: https://telegram.me/terabaytuz

Мавлон Марасулов

Муаллиф

Мавлон Марасулов

Samsung Electronics Ўзбекистон ваколатхонасида ишлаган. Миллий бренд Артел телевизорлари учун биринчи ўзбекча меню муаллифи, Samsung телефонлари учун ўзбекча тахминий матн (Т9) функциясини жорий қилишда қатнашган. Жанубий Корея, Германия, Ҳиндистон, Россияда ўтказилган технология конференциялари иштирокчиси.

Кейингиси

Сўнгги Мақолалар

Изоҳ ёзиш

Ваш e-mail не будет опубликован. Обязательные поля помечены *

Optimization WordPress Plugins & Solutions by W3 EDGE