Samsung Австралияда Galaxy Note 7 смартфонларини тармоқдан узиб қўяди

Samsung Австралияда Galaxy Note 7 смартфонларини тармоқдан узиб қўяди

Хабарингиз бор, Samsung компаниясининг жорий йилнинг август ойида глобал тақдимоти ўтказилган Galaxy Note 7 смартфони батареядаги жиддий носозлик туфайли муваффақиятсизликка учради ва Жанубий Корея гигантига улкан молиявий зарар келтирди.

Гарчи Samsung мазкур смартфонларни чақириб олиш бўйича глобао дастурни йўлга қўйган бўлса-да, ҳали барча фойдаланувчилар уларни қайтариб бермаган кўринади. Жумладан, Sammobile сайтининг ёзишича, Samsung фирмасининг Австралиядаги ваколатхонаси ушбу мамлакатда ҳалигача фойдаланилаётган  Galaxy Note 7 смартфонларини 15 декабрдан бошлаб тармоқдан узиб қўйиши ҳақида огоҳлантирган. Компаниянинг таъкидлашича, бундай чоралар истеъмолчиларнинг манфаати ва хавфсизлиги учун қилинмоқда экан.

Эслатиб ўтамиз, Galaxy Note 7 моделини ишлаб чиқариш Samsung томонидан 2016 йилнинг 11 октябрда расман тўхтатилган эди.

Сайт янгиликларидан доимий хабардор бўлиш учун Телеграм каналимизга қўшилинг!