Ноябрь ойида AppStore‘да рекорд даражада илова сотилди
Apple компаниясининг глобал маркетинг масалалари бўйича вице-президенти Фил Шиллер (Phil Schiller) ўзининг Twitter блогидаги саҳифасида ўтган ноябрь ойида AppStore‘да сотув бўйича янги рекорд қайд этилганини маълум қилди, деб хабар бермоқда Mac Rumors сайти.
Унинг сўзларига кўра, 2016 йилнинг ноябрь ойида AppStore дўконида сўнгги саккиз йил ичидаги энг юқори миқдордаги савдо кўрсаткичи қайд этилган. AppStore ресурсига бундан саккиз йил аввал, 2008 йилнинг июл ойида асос солинган эди.
Ҳозирча компания бу борада аниқ рақамларни эълон қилмаган.
