Қора марварид рангли Samsung Galaxy S7 Edge 128 ГБ хотирага эга бўлади

Бундан икки ҳафтача олдин Samsung компанияси қора рангли ялтироқ Galaxy S7 моделинин сотувга чиқариши ҳақида сайтимизда хабар берган эдик. Куни кеча эса Samsung билан алоқадор янгиликларни ёритадиган Sammobile нашрида берилган хабарга кўра, Жанубий Корея технология гиганти  қора марварид (Black Pearl) рангли 128 ГБ доимий хотирага эга бўлган Galaxy S7 Edge версиясини тайёрлаган. Мазкур версия эртадан бошлаб Жанубий Кореяда сотувга чиқарилади.

Samsung Galaxy S7 Edge, бундан ташқари, White Pearl, Black Onyx, Gold Platinum, Silver Titanium, Blue Coral ва Pink Gold рангларида ҳам сотувга чиқарилган.

Шубҳасиз, мазкур версия шу йилнинг сентябрь ойида намойиш этилган iPhone 7 Jet Black (қора оникс) рангидаги смартфонга қарши ўзига хос жавоб ҳисобланади.