Xiaomi MiPad 3 планшети 8 ГБ оператив хотира ва бармоқ изи сканери билан жиҳозланади

Изоҳ

Xiaomi компанияси MiPad 3 планшетини тақдмотга тайёрламоқда. Сериядаги янги планшет аввалги моделлар сингари Android платформасида эмас, балки Windows 10 дастурида ишлайди, деб ёзмоқда Smartphone.ua сайти.

Xiaomi MiPad 3 планшетига 7,9 дюймли аниқлиги 2048х1536 пиксель бўлган дисплей, USB Type-C порти, бармоқ изи сканери, 16 Мпли асосий ва 8 МПли олд камера ўрнатилади.

Қурилма еттинчи авлоддаги Intel Core M3-7Y30 процессорида фаолият кўрсатиши маълум қилинган. Модель 8 ГБ оператив хотира ва модификация версиясига қараб 128 ГБ ёки 256 ГБ доимий хотирага эга бўлади. Шунингдек, ечиладиган клавиатура ҳам баъзи версияларда кўзда тутилиши мумкин. Аккумуляторининг сиғими – 8290 мА/соат.

Шу билан бирга, Xiaomi MiPad 3 тўлиқ металл корпус билан ўралиши айтилмоқда.

Нархи 128 ГБли версия учун 290 долларни, 256 ГБли версия учун эса 330 долларни ташкил қилади. Планшет расман 30 декабрда намойиш этилади.

Terabayt.uz хабарларини Телеграмда кузатиб боринг: @terabaytuz

Мавлон Марасулов

Муаллиф

Мавлон Марасулов

Samsung Electronics Ўзбекистон ваколатхонасида ишлаган. Миллий бренд Артел телевизорлари учун биринчи ўзбекча меню муаллифи, Samsung телефонлари учун ўзбекча тахминий матн (Т9) функциясини жорий қилишда қатнашган. Жанубий Корея, Германия, Ҳиндистон, Россияда ўтказилган технология конференциялари иштирокчиси.

Кейингиси

Сўнгги Мақолалар

Муҳокамага қўшилинг