Ихчам Sony DSC-HX350 камерасига 50 каррали зумга эга объектив ўрнатилган

Sony компаниясига тегишли фотокамералар қаторига Sony DSC-HX350 номли янги модель қўшилди, деб ёзмоқда IXBT нашри. Унда тескари ёритиш функциясига эга бўлган Exmor R CMOS тасвир сенсоридан фойдаланилади. Сенсорнинг формати – 1/2б3 дюйм (6,17 х 4,55 мм), аниқлик формати — 20,4 Мп. Сенсор диафрагмаси  F/2,8-6,3 бўлган Zeiss Vario-Sonnar T* объективи билан биргаликда ишлайди.

Видеони Full HD (1920 х 1080 пиксель) форматида 60 к/с тезлигида ёзиш мумкин.

Камера оптик стабилизатор, чақноқ, электрон видоискател ва уч дюймли дисплей билан жиҳозланган.

Бир марта тўлиқ зарядлаб, камерада 300 тагача расм олса бўлади. Гаджетнинг оғирлиги – 652 грамм.

Sony DSC-HX350 камерасининг нархи ҳозирча маълум эмас. Сотуви январь ойида бошланади.