LG Stylus 3 фаблетига тегишли техник параметрлар ошкор қилинди

Изоҳ

Айни пайтда АҚШда ўтказилаётган CES 2017 кўргазмаси доирасида Жанубий Кореянинг LG компанияси LG Stylus 3 номли янги версиядаги фаблетга доир техник параметрларни ошкор қилди. Бироқ смартфонларнинг ўзи кўргазмада намойиш этилмаган.

Компания вакилларининг берган маълумотига кўра, LG Stylus 3 ҳар бири 13 Мпли қўш камера, 8 Мпли олд камера, MediaTek MT6750 процессори ва 5,7 дюймли HD экран билан жиҳозланади. Модель стилус билан чиқарилади, Android Nougat дастурига ишлайди. Шу билан бирга, қурилма FM-радиони қўллаб-қувватлаши билдирилган.

Қурилма бармоқ изи билан ҳимояланади, Wi-Fi ва Bluetooth модулларига эга бўлади. Батареясининг сиғими – 3200 мА/соат.

Ҳозирча моделнинг нархи номаълум.

Манба: mobiltelefon

Terabayt.uz хабарларини Телеграмда кузатиб боринг: @terabaytuz

Мавлон Марасулов

Муаллиф

Мавлон Марасулов

Samsung Electronics Ўзбекистон ваколатхонасида ишлаган. Миллий бренд Артел телевизорлари учун биринчи ўзбекча меню муаллифи, Samsung телефонлари учун ўзбекча тахминий матн (Т9) функциясини жорий қилишда қатнашган. Жанубий Корея, Германия, Ҳиндистон, Россияда ўтказилган технология конференциялари иштирокчиси.

Кейингиси

Сўнгги Мақолалар

Муҳокамага қўшилинг