ChangHong H2 – созланган молекуляр сканерга эга хитойлик смартфон

Изоҳ

Мобил қурилмалар бозорида ҳали яхши танилмаган Хитойнинг ChangHong компанияси CES 2017 кўргазмасида молекуляр сканер билан жиҳозланган жаҳондаги илк смартфонни намойиш қилди. Ушбу смартфон орқали қўлингизга тушган исталган предметнинг молекуляр таркиби билан танишиш, ундаги моддаларнинг хусусиятларини аниқлаш мумкин.

Сканер модули инфрақизил спектроскопия асосида яратилган. Бу эса текширилаётган объектнинг структурасини аниқлашга ёрдам беради. Молекуляр сканер Исроилнинг Consumer Pysics фирмаси томонидан тайёрланган.

ChangHong H2 моделининг техник параметрларига тўхталадиган бўлсак, у 6 дюймли Full HD экран, саккиз ядроли процессор, 4 ГБ тезкор ва 64 ГБ доимий хотира билан жиҳозланган. Камера аниқлиги – 16 МП, батареясининг сиғими эса 3000 мА/соатни ташкил қилади.

Қурилма 2017 йилнинг биринчи ярмида Хитойда сотувга чиқади, нархи $500 атрофида бўлиши маълум қилинган.

Манба: 3D News

Terabayt.uz хабарларини Телеграмда кузатиб боринг: @terabaytuz

Мавлон Марасулов

Муаллиф

Мавлон Марасулов

Samsung Electronics Ўзбекистон ваколатхонасида ишлаган. Миллий бренд Артел телевизорлари учун биринчи ўзбекча меню муаллифи, Samsung телефонлари учун ўзбекча тахминий матн (Т9) функциясини жорий қилишда қатнашган. Жанубий Корея, Германия, Ҳиндистон, Россияда ўтказилган технология конференциялари иштирокчиси.

Кейингиси

Сўнгги Мақолалар

Муҳокамага қўшилинг