E-Ink дисплей билан жиҳозланган рюкзак намойиш этилди

Изоҳ

Бу галги CES 2017 кўргазмаси чиндан ҳам ноодатий гаджетларга бой бўлди. Масалан, Калифорниянинг (АҚШ) POP-I компанияси томонидан тайёрланган ўзига хос рюкзак кўпчилик меҳмонларнинг диққатини тортди. Ташқи кўринишидан рюклак алоҳида фарққа эга эмас, ягона ажрадиб турадиган жиҳати – унга ўрнатилган E-Ink дисплейдир.  Мазкур экран фойдаланувчи истаган ҳар қандай тасвирни кўрсатиши мумкин.

Рюкзакдаги экранга тасвирлар махсус мобил илова орқали смартфондан юборилади. Қурилмалар ўзаро Bluetooth технологияси ёрдамида боғланади. Рюкзакка ўрнатилган дисплей эластик, зарбаларга чидамли, шунинг учун у рюкзак учун тўлиқ мос ҳисобланади.

Рюкзаклар 10 ва 4,7 дюймли экранлар билан сотувга чиқарилади. Дисплей битта зарядда 30 кунгача ишлаши мумкин. POP-I рюкзакнинг нархи ҳозирча аниқ эмас.

Манба: 4PDA

Бизни Телеграм орқали кузатиб боринг: https://telegram.me/terabaytuz

Мавлон Марасулов

Муаллиф

Мавлон Марасулов

Samsung Electronics Ўзбекистон ваколатхонасида ишлаган. Миллий бренд Артел телевизорлари учун биринчи ўзбекча меню муаллифи, Samsung телефонлари учун ўзбекча тахминий матн (Т9) функциясини жорий қилишда қатнашган. Жанубий Корея, Германия, Ҳиндистон, Россияда ўтказилган технология конференциялари иштирокчиси.

Кейингиси

Сўнгги Мақолалар

post Муҳокамага қўшилинг