Қўшимча экранли HTC U Ultra моделига тегишли суратлар эълон қилинди

Интернет тармоғидаги нашрларда ҳали тақдимоти ўтказилмаган Қўшимча экранли HTC U Ultra моделига тегишли суратлар пайдо бўлди, деб хабар бермоқда Smartphone.ua нашри.

Хитой микроблогларининг бирида эълон қилинган суратларга диққат қиладиган бўлсак, ушбу смартфон тўрт хил рангда сотувга чиқарилиши маълум бўлади. HTC U Ultra моделининг олд панели 2,5D шиша билан қопланади. Бармоқ изи сканери асосий тугмага созланади. Модель USb Type-C слоти ва медиа-динамик билан жиҳозланади, бироқ қурилмада 3,5 миллиметрли аудиослот кўзда тутилмаган. Асосий камеранинг аниқлиги 12 МП, икки рангли чақноқ ва оптик стабилизация функциясига эга.

Смартфонга Qualcomm Snapdragon 821/835 процессори, 4 ГБ оператив ва 64 ГБ доимий хотира ўрнатилади. Аккумуляторининг сиғими 4000 мА/соат бўлиши хабар қилинган.

HTC U Ultra тез кунда намойиш этилади, нархи ҳозирча ошкор этилмаган.