Huawei P8 Lite (2017) моделини намойиш қилди

Huawei P8 Lite (2017) моделини намойиш қилди

Илк версиядаги Huawei P8 Lite смартфони бундан 2 йилча муқаддам сотувга чиқарилган бўлиб, ҳалигача ўрта нархли сегментда ўз аҳамияти йўқотмай келмоқда. Ҳозиргача моделни дунё бўйлаб 10 млн нусхада сотилган. Шу боис бўлса керак, хитойлик гигант ушбу смартфоннинг янгиланган версиясини тақдим қилишга қарор қилди. Энг қизиғи, ҳозирда мазкур моделнинг альтернативаси сифатида Huawei P9 Lite ҳам харидорларга таклиф қилинмоқда.

China-Review нашрининг маълум қилишича, Huawei P8 Lite (2017) 5,2 дюймли Full HD LTPS экран, саккиз ядроли Кirin 655 процессори, 3 Гб тезкор ва 16 ГБ доимий хотира билан жиҳозланган. Асосий камеранинг аниқлиги 12 МП, апертураси F / 2.0. Олд камера – 8 МП.

Батарея 3000 мА/соат сиғимга эга, модель Android 7.0 операцион тизимида ишлайди.

Қурилма январ охирида сотувга чиқарилади, нархи 249 евро атрофида бўлиши маълум қилинган.

Terabayt.uz сайтининг видеолари: Youtube'даги каналимизда!