Microsoft кичик экранли ноутбукларни арзонлаштиришга ёрдам беради

Microsoft кичик экранли ноутбукларни арзонлаштиришга ёрдам беради

Тез орада АҚшнинг Microsoft компанияси ноутбук ишлаб чиқарувчилар учун Windows 10 лицензиясига қўйилган нахрни янада туширмоқчи, деб ёзмоқда 3D News нашри.

2017 йилнинг биринчи март санасидан бошлаб 14,1 дюймгача бўлган экранга эга арзон ноутбуклар учун дастур лицензиясининг нархи ўтган йилдагига қараганда камайтирилади. Ҳозирча аниқ рақамлар маълум қилинмаган.

Хромбуклар юзага келтираётган кескин рақобат туфайли компания нархларни туширишга қарор қилган. Google айни вақтда Chrome OS учун ноутбук тайёрлайдиган компаниялардан комиссия олмагани туфайли хромбукларнинг нархи кутилганидан анча паст. Бу эса келажакда Microsoft учун жиддий муаммо туғдириши турган гап. Айниқса, Lenovo, Acer, ASUS, Dell ва Samsung компаниялари тақдим эта1тган хромбуклар таълим соҳасида анча оммалашмоқда.

Аввалроқ Microsoft вендорларга кичик экранли планшет ва ноутбукларга Windows 8.1 with Bing дастурини бепул таклиф қилган эди.

Сайт янгиликларидан доимий хабардор бўлиш учун Телеграм каналимизга қўшилинг!