iOS блокировка экранидаги виджетларни ўчирамиз

  •   DiMaX
  •  1023
  •  18.01.2017 19:14

iOS блокировка экранидаги виджетларни ўчирамиз

iOS операцион тизимининг 10-версиясида экранни блокдан чиқариш учун Home тугмачасини босиш керак бўлади. Одатдаги экранни ўнг томонга силаш ҳаракати билан эса календарь, об-ҳаво ва бошқа маълумотларни акс эттирувчи виджет очилади. Бу бўлса махфийлик нуқтаи назаридан унчалик яхши эмас, яна ноқулай ҳам.

Лайфхакер электрон нашри бу ноқулайликдан қутулиш йўлини кўрсатади.

Apple фойдаланувчиларга қулайлик яратиш мақсадида қурилмани блокдан чиқариш механизмини ўзгартирган, натижада «бўшаб» қолган ҳаракат – экранни ўнг томонга силаш амалини юқорида таъкидланган виджетни чақириш учун қўллаган. Аммо ўз гаджетидаги маълумотларнинг махфийлигини муҳим деб билувчилар учун бу янгилик жуда номаъқулдир, чунки ушбу виджетдан Spotlight қидирувига, календардаги воқеаларга, Siri хизматларига ва овозли ёрдамчига ҳам уланиш мумкин. Қисқаси, қурилмангиз бегона қўлга тушиб қолса…

Бахтимизга, бунақа шахсий маълумотларни блокировка экранидан олиб ташлаш унчалик қийин эмас:

  1. Тизим созламаларини очиб, «Touch ID и код-пароль» бўлимига ўтинг.
  2. Унда «Доступ с блокировкой экрана» тумблерлар блогини топинг.
  3. «Сегодня» ва «Просмотр уведомлений» тумблерларини ўчириб қўйинг.

 

Шундан кейин  блокировка экранида бармоқ билан ўнгга силашда ҳеч қанақа функция ҳам, виджет ҳам ишга тушмайди. Бу билдиришномаларга ҳам тегишли: шу билан у ҳам ишлашдан тўхтайди. Қарабсизки – олам гулистон!

Terabayt.uz сайтининг видеолари: Youtube'даги каналимизда!