Янги 3D-телевизорлар ишлаб чиқарилмайди

Янги 3D-телевизорлар ишлаб чиқарилмайди

Жаҳондаги бирорта йирик телевизор ишлаб чиқарувчилари 2017 йилда 3D функциясига эга бўлган телевизорлар ишлаб чиқариши ҳақида эълон қилмаган. CNET нашрига берган хабарида LG Electronics вакили бундан буён Жанубий Корея компанияси HDR технологиясига жиддий эътибор қаратишини маълум қилган.

3D News нашрининг ёзишича, Sony компанияси ҳам  худди шундай йўналишда боришни режалаштирган.  Samsung ва Philips компаниялари эса 2016 йилдаёқ телевизорларда 3D-технологиясидан воз кечишларини эълон қилишган эди. Шу билан бирга, Sharp, TCL ва Hisense сингари компаниялар ҳам мазкур сегмент учун телевизор тайёрламоқчи эмас.

NPD Group таҳлилларига кўра, 2015 йилда 3D-телевизорларнинг жаҳон бозоридаги улуши 16 фоизни ташкил қилган, 2016 йилга келиб эса ушбу кўрсаткич 8 фоизга тушиб кетган. Ҳозирда ишлаб чиқарувчилар телевизордаги тасвир сифатини яхшилайдиган Ultra HD ва HDR каби янги технологияларга урғу беришмоқда.

Сайтимизнинг энг чиройли расмларини Инстаграмдаги саҳифамизда томоша қилинг!