Xiaomi Redmi Note 4 бўлакларга ажратилди

Fonearena ресурси машҳур смартпедлардан бири бўлган Xiaomi Redmi Note 4 моделининг таъмирлашга бўлган яроқлилигини текшириб кўрди. Қурилманинг Snapdragon 625 чипи билан бир неча ҳафта илгари чиқарилган версияси ресурс томонидан бўлакларга ажратилди.

Смартфон корпусида бирорта винт бўлмагани боис орқа металл панелни ингичка пластина ёрдамида оҳиста корпусдан ажратиш мумкин. Орқа панелнинг остида сиғими 4100 мА/соат бўлган батарея жойлаштирилган. Батареядан кейин ҳеч қандай муаммоларсиз бошқа компонентларни алоҳида қилиб ечиш мумкин.

Қурилманинг компонентлари ортиқчи қийинчиликсиз корпусдан ажратилади, уни таъмирлаш мутахассисларга муаммо туғдирмайди. Ресурс ходимлари моделнинг таъмирлашга яроқлилигини юоқри баҳолаб, максимал 10 баллдан 8 балл қўйишган.