Маск инсониятни киборгга айлантиришни таклиф қилди
Ихтирочи ва тадбиркор Илон Маск, келажакда тараққиётдан четда қолиб кетмаслиги учун инсоният киборгга айланиши кераклигини таъкидлади, деб ёзади Корреспондент нашри. Акс ҳолда, у роботлар билан рақобатга дош бера олмайди, деб ҳисоблайди бизнесмен.
Tesla ва SpaceX компаниялари раҳбари сунъий онг инсониятнинг табиий ақлидан илгарилаб кетади, деган фикрда. Роботлаштиришнинг тараққий этиши билан кўпчилик ишчилар ўз иш жойларидан маҳрум бўлишади, чунки уларнинг ўрнига машиналар келади. Бу эса, табиийки, ишсизликнинг ортишига олиб келади.
Одамзод машиналар билан рақобатлаша олмайди, чунки машиналарни деярли ҳар қандай ишни бажаришга мослаштириш мумкин. Одам-ишчилар эса, меҳнат бозорида уларга бас кела олиш учун ўзини қўшимча интерфейслар орқали яхшилаши лозим. Бу эса кейинчалик роҳат-фароғат ва тараққиётга олиб борувчи йўлдир, дейди Маск.
