Samsung раҳбари ҳибсга олинди

  •   DiMaX
  •  950
  •  17.02.2017 13:31

Samsung раҳбари ҳибсга олинди

Жанубий Кореянинг энг бой тадбиркорларидан бири, Samsung Electronics компанияси вице-президенти Ли Чжэ Ён ҳибсга олинди. Бу мамлакат президенти Пак Кин Хенинг импичментига сабаб бўлган коррупция можароси билан боғлиқлиги айтилаётир. Бу ҳақда ВВСга таянган ҳолда Ҳилол сайти хабар бермоқда.

Хабарга кўра, январь ойида суд Ли Чжэ Ённи ҳибсга олишни рад этган эди. Айтилишича, энди янги далиллар топилган.

Ли Чжэ Ён расман Samsung вице-президенти лавозимини эгаллаган. Аммо унинг отаси ва компания президенти Ли Гон Хи инфарктни бошидан ўтказгандан бери у бош раҳбар ҳисобланиб келмоқда.

Ли Чжэ Ён Жанубий Корея президенти Пак Кин Хенинг дугонаси Чхве Сун Силга қарашли жамғармаларга ноқонуний тарзда пул маблағлари ўтказишда айбланган. Аммо Ли Чжэ Ён хизмат ваколатини суиистеъмол қилганини рад этмоқда.

Аввалроқ тергов Чхве Сун Силь йирик бизнес вакилларини ўзига қарашли иккита ноҳукумат жамғармага катта миқдорда хайрия ўтказишга мажбурлагани маълум бўлган эди. Ана шу жамғармалар фаолиятини текшириш ортидан Пак Кин Хенинг импичментига сабаб бўлган коррупция можароси авж олди.