Samsung раҳбарининг ҳибсга олиниши $1,7 млрд долларга тушди
Samsung Electronics раҳбари, директорлар кенгаши вице-раиси Ли Чжэ Ённинг ҳибсга олиниши бир кун ичида кореялик монополист бўлган Samsung Group бирлашмасининг бозордаги капитали қийматини $1,7 млрд долларга қисқаришига сабаб бўлди. Экспертларнинг фикрича, бу ҳодиса Samsung бренди ва компаниянинг стратегик инвестицион режаларига жиддий таъсир ўтказиши мумкин.
Жанубий Корея президентига пора беришда айбланаётган Ли Чжэ Ён компаниянинг ҳақиқий раҳбари Ли Гонхи сўнгги вақтларда бетоб бўлгани боис бошқарувни ўз қўлига олган эди. Moor Insights & Strategy таҳлилчиларининг тахминича, Ли Чжэ Ён компаниянинг қиёфасига айланиб улгурмаган ва унинг ҳибсга олиниши компания даромадига катта зарар келтирмайди.
Корея суди компания топ-менежерини мамлакат раҳбари Пак Кин Хе атрофидаги коррупция можароларига алоқадор порахўрликдаги иштироки учун ҳибсга олиш ҳақида қарор чиқаргач, Samsung Electronics’нинг биржалардаги капитализация улуши $980 долларга камайиб кетди. Шунингдек, Samsung’нинг C&T бўлнимаси акциялари баҳоси 2 фоизга арзонлашган ва компания $377 млн доллар зарар кўрган. Samsung’нинг Life Insurance суғурта компанияси акциялари 1,4%га арзонлашиб, муассаса $255 млн доллар зарар кўрган.
S&P Global Ratings (S&P) агентлиги бу воқеалар Samsung’нинг барқарор ривожи учун дахл қилмайди. Экспертлар Samsung тараққиёти унинг раҳбари эмас, айни пайтда бу ерда фаолият кўрсатаётган маҳоратли ва фидойи ходимларга боғлиқ.
