“Хитойча Apple” ўз уйида Apple’ни “мағлуб қилди”
Apple Inc. корпорациясининг Хитой смартфон бозоридаги улуши бир йил ичида 18%га қисқариб, Apple компанияси ушбу бозорда эгаллаб турган 4-ўринни “Хитойча Apple” номи билан танилган Xiaomi компаниясига бериб қўйди.
Бу тўғрида Canalys компаниясининг таҳлилий материалида маълум қилинган.
Экспeртлар Xiaomi муваффақиятини бир қатор имкониятларга эга кўплаб смартфон моделларини яратаётгани билан боғлашмоқда. Шунингдек, маҳаллий смартфон ишлаб чиқарувчиларнинг юқори имкониятларга эга смартфонлар тайёрлаётгани туфайли iPhone 7 Хитой бозорида оммалашмаган.
2016 йилнинг якунларига кўра, Xiaomi Хитой бозорида 51,4 миллиoн дона “ақлли телефон” сотган. Apple эса 44 миллиoн iPhone етказиб берган. Ваҳоланки, бу натижаларга компания 2013 йилда, Хитой бозорига кириб келган пайтдаёқ эришган эди.
«Эҳтимол, фойдаланувчилар “технологик инқилоб” дея тарғиб қилинаётган iPhone 8’нинг тақдимотини ҳам кутиб турган бўлишлари мумкин. Ўшанда Apple яна бозордаги ўрнини мустаҳкамлаб олади», — дейилади Canalys хулосасида.
Хитой бозорида энг кўп смартфон сотиш бўйича кучли учликда Huawei, Oppo ҳамда Vivo каби брендлар Xiaomi’дан олдинда туришибди. Улар 76, 73 ва 63 миллиoн дона мобиль телефонлар сотишга муваффақ бўлганлар.
