iPhone 8’нинг хитойлик “кушандаси” пайдо бўлди
Xiaomi компанияси томонидан эълон қилиниши кутилаётган Xiaomi Mi6 смартфонининг экрани кўриб турганингиздек, четки ромга эга эмас ҳамда экранда “Home” тугмаси мавжуд эмас. Шу сабабли, уни барча эксперт ва таҳлилчилар iPhone 8’га рақиб сифатида ишлаб чиқарилган муқобил сифатида баҳоламоқда. Флагманнинг олд панели деярли тўлиқ экрандан иборат.
Xiaomi Mi6 тасвирланган деб айтилаётган мазкур фотосурат Хитойнинг Weibo ижтимоий тармоғида тарқалган. Маълум бўлишича, сурат гаджетлар йиғиладиган Foxconn заводида олинган.
Xiaomi Mi6’нинг олд камераси суҳбат карнайининг чап томонидан ўрин эгаллаган. Смартфондаги бармоқ излари сканери орқа панелда жойлаштирилган деган тахмин мавжуд. Тасдиқланмаган маълумотларга кўра, 8 ядроли V970 процессорида фаолият кўрсатадиган гаджетга 4 ёки 6 ГБ оператив хотира ҳамда 128 дан 256 ГБгача бўлган доимий хотира флешкаси ўрнатилади.
Унинг экран сиғими 2 талқинда — 2560х1440 пикселли FullHD ҳамда QHD сиғимли версияларда ишлаб чиқарилади.
Xiaomi Mi6’нинг бош камераси Sony IMX386 моделидаги 12 МП сиғимли, олд камера эса Sony IMX268 моделидаги 8 МП сиғимли. Девайс аккумулятори 3000 мА соат ток сиғимига эга бўлади. Қурилманинг Xiaomi операцион тизимида ишлаши кутилмоқда.
Xiaomi янги мобиль алоқа воситасини жорий йилнинг март ойида эълон қилишни режалаштирган. Смартфон нархи $290 доллардан бошланиши маълум қилинган.
Xiaomi айни пайтда яна бир экран ҳошиясига эга бўлмаган Mi MIX II номли планшетофонни тайёрлаш устида ҳам иш олиб бормоқда.
