Экспертлар жаҳонинг энг кучли смартфонларини эълон қилишди
Мазкур рейтингда эълон қилинганига ярим йилдан ошган iPhone 7 Plus гаджети бошчилик қилмоқда. Экспертлар рейтингни шакллантиришда мобиль қурилмалар салоҳиятини баҳолашга мўлжалланган AnTuTu бенчмаркида қайд этилган натижаларга таянишган.
Ушбу рейтинг замонамизнинг энг кучли смартфонлари ТОП-10 талигидан иборат. Рейтингда биринчи ва иккинчи ўринда турган Apple’нинг iPhone 7 Plus ва iPhone 7 девайсларидан ташқари, барча ўринлар хитойлик мобиль алоқа воситаларига насиб қилган.
Шундай қилиб, ўнталикни қуйидаги смарфтонлар тўлдиришган. Android-смартфонлар: OnePlus 3T, LeEco Pro 3, Lenovo ZUK Edge.
Рўйхатда, шунингдек Smartisan M1, Smartisan M1L, OnePlus 3, ҳамда Xiaomi Mi 5s Plus ва Xiaomi Mi 5s гаджетлари ҳам бор.
Android-смартфонлар орасида, самарадорлик ва яхши ишлаш бўйича OnePlus 3T телефони етакчилик қилмоқда. Бу гаджет 2016 йилда эълон қилинган эди.
