Энг оммалашган Android-смартфонлар рейтинги тузилди
Android операцион тизимида ишлайдиган, 2016 йилда энг оммалашган смартфонлар рейтингини Xiaomi Redmi Note 3 банд қилди. Мазкур рейтинг ҳам мобиль қурилмалар салоҳиятини баҳолайдиган AnTuTu бенчмарки томонидан шакллантирилган.
Мазкур рейтингда AnTuTu бенчмаркида фойдаланувчилар томонидан энг кўп синовдан ўтказилган 10 та смартфон моделлари танлаб олинган. Хитойнинг Xiaomi Redmi Note 3 гаджетини имкониятларини ўрганиш тизимда 2016 йилда синаб кўрилган жами тестларнинг 6,26 фоизини ташкил қилади.
Ундан кейин унинг муваффақиятли “меросхўр”ларидан бири бўлган Xiaomi Mi5 (5,02 фоиз) эгаллаб турибди. Учинчи ўрин эса Жанубий Кореянинг Samsung компанияси маҳсулоти бўлмиш Samsung Galaxy S7 edge (3,61 фоиз)га насиб қилган.
“ТОП-10″таликни Samsung Galaxy S6, LeEco Le 2, OnePlus 3, Asus Zenfone 2 ва Xiaomi Redmi Note 2 каби смартфонлар давом эттиради. Улардан кейин эса смартфон фойдаланувчилари энг кўп Xiaomi Mi 4c ҳамда Xiaomi Redmi 3 гаджетлари имкониятларига қизиқиш билдирилган.
