Ультра-юпқа LG Gram ноутбуки сотувга чиқди
Эсингизда бўлса, АҚШда ўтган Электроника маҳсулотлари кўргазмасида LG компанияси Gram ноутбуклари туркумини янгича талқинда тақдим қилган эди. Янгиланган ноутбуклар тачскрин сенсор экранларга, янада узоққа етадиган аккумуляторга ва илғор процессорларга эга бўлишган.
26 февраль куни компания LG Gram 13Z970’нинг нархига ойдинлик киритди. Унга кўра, экрани сенсор бўлмаган талқин $999.99 ва сенсор экранли талқин $1,099 доллардан сотувга чиқарилади.
Intel Core i7 процессорига эга LG Gram 14Z970 моделининг баҳоси эса $1,499 долларни ташкил қилади. Унинг Intel Core i5 процессоирга эга талқини $1,199 доллардан сотилади.
Туркумдан ўрин олган энг катта Gram 15Z970 ноутбуки эса $1,699 доллардан сотилади. Унга 16 ГБ тезкор ва 512 ГБ доимий хотирага эга Intel Core i7 процессори, тачскрин сенсор экрани ўрнатилган. Ҳозирча ноутбуклар Amazon, Costco ҳамда B&H каби электрон дўконларда сотилмоқда.
LG’нинг пресс-релизларида маълум қилинишича, Gram 14 лаптопларини тўлиқ қувватлаб, улардан 23 соатгача фойдаланиш мумкин. Аммо, инсайдерлар тўла қувват олган аккумуляторда Gram 14 узоғи билан 13,5 соат ишлаётганини айтишмоқда. Аммо, шу вақтга 5 соатга етувчи қувват тўплайдиган аккумуляторли ноутбуклар чиқарган LG учун бу катта ютуқ.
