Камералар жанги: Nokia 3310 Galaxy S7’ни “ер тишлатди”

Камералар жанги: Nokia 3310 Galaxy S7’ни “ер тишлатди”

Эсингизда бўлса, 2000-йиллардаги асл Nokia 3310 телефонида камера мавжуд эмас эди. Унинг 2017 йилда тақдим қилинган талқини эса замон талабидан келиб чиқиб, камера билан таъминланди. Номидан келиб чиқиб, сизда унинг камерасига нисбатан нописандлик уйғонса, шошмай туринг. Унинг 2 мегапикселли камераси замонамизнинг баъзи бир флагман смартфонларини ҳам доғда қолдириши мумкин.
Қуйидаги қиёсий суратларга кўз югуртириб, Терабайт сайти жамоаси бир овоздан қайта туғилган машҳур Нокиага овоз берди. Унинг олган суратлари табиийликка яқин. Эҳтимол, сизнинг фикрингиз бошқачароқдир.

2 мегапикселли объективнинг имкониятларини 2017 йилнинг энг яхши телефони дея эътироф этилган Galaxy S7 камерасининг кучли сенсоридан кам эмасдек.
Мисол учун мана бу суратга эътибор қилинг.

Nokia 3310 камерасида олинган сурат

 

Galaxy S7’да олинган сурат

Galaxy S7 олган Питернинг сурати сарғиш тусга кириб, рангларга ҳаддан зиёд тўйинган. Nokia 3310 олган суратда эса муҳит табиий кўринишда ўз ифодасини топган. Тўғри, GS7 камераси деталларга бой. Аммо, сизга табиийлик ёқмайдими? 3310 олган суратда ҳаммаси қандай бўлса, шундай акс этган. Бу эса унинг ҳақиқий, ҳақиқатпарвар камерафонлигидан далолат беради. Шундай қилиб, бу шартда табиийлик тарафдори бўлганлар учун Nokia 3310 ғалаба қозонди.

Натижа:

Nokia 3310: 1
Galaxy S7: 0

Nokia 3310 (2017) салобатини йўқотмаганини исботлаш учун қуйидаги суратга эътибор қилинг. Бу суратдан кўриниб турибдики, манзара рангини бойитишга ўч бўлган Galaxy S7’нинг камераси бир оз ошириб юборган ва натижада, сурат қорайгандек тус олган. Ҳаёт эса доимо ёрқин бўлиши лозим. Шундай эмасми? Рози бўлсангиз, бу шартда ҳам “ғишт” телефонимиз ғалаба қозонди.

Nokia 3310 камерасида олинган сурат

 

Galaxy S7’да олинган сурат

Натижа:

Nokia 3310: 2
Galaxy S7: 0

Nokia 3310 камерасида олинган сурат

 

Galaxy S7’да олинган сурат

Nokia’нинг логотипидаги ўзига хосликни муҳрлаш компаниянинг ўзига тегишли мобиль телефон аппаратининг линзаларига ярашади. Шубҳасизки, бу ўринда Nokia телефони яна ғолиб.

Натижа:
Nokia 3310: 3
Galaxy S7: 0

Қуйидаги суратда эса телефонлар егуликни суратга олиш бўйича баҳслашадилар. Озиқ-овқат маҳсулотларини суратга олишда кўпчилик фотосуратчилар камеранинг егуликни мазалилигини қанчалик ифода этишига диққат қиладилар. Эҳтимол, бу қоида ҳеч қаерда ёзилмагандир.

Nokia 3310 камерасида олинган сурат

 

Galaxy S7’да олинган сурат

Суратларни солиштириб Нокиа олган суратда егуликнинг тилларанг бўлиб товланаётганига, ундан хушбўй маза келаётганига гувоҳ бўласиз. Galaxy S7’нинг сурати эса тундроқ кўринишда. Яна бир бор афсонавий телефоннинг қайтиши қувончли технологик воқеа бўлганига шубҳа қолмади.

Якуний баҳо:
Nokia 3310: 7
Galaxy S7: 0

Замонавий технологиялар билан “қуролланган” Galaxy S7’нинг маҳоратига тан бермай иложимиз йўқ. Бироқ, кўпчилигимизнинг мобиль тармоқдаги илк овозимизнинг таралиши бевосита бир вақтлар миллион-миллион дона сотилган Nokia 3310 билан боғлиқ. Шунинг ҳурмати эвазига жамоамиз билан унинг қайтишини қўллаб-қувватлашга қарор қилдик.

Бу материални тайёрлаш жараёнида Nokia 3310’ни қўмсаш ҳиссини туйганимизни унутманг. Фикрларингизни эса, изоҳларда ёзиб қолдиринг.

Terabayt.uz сайтининг видеолари: Youtube'даги каналимизда!