Acer`нинг уч симкартали Liquid X2 фаблети январда чиқарилади

Acer`нинг уч симкартали Liquid X2 фаблети январда чиқарилади

Acer компанияси жорий йилнинг апрель ойида маълум қилган Liquid X2 фаблетининг тақдимот вақтини тасдиқлади. Малайзиянинг SoyaCincau ахборот манбасининг хабарига кўра, фаблет январь ойида жамоатчиликка тақдим этилади.

Acer компанияси Liquid X2да SIM-карталар учун учта махсус жой бор ва ҳар бири LTE тармоғини қўллай олади. Аккумулятор қуввати 4000 мАс ни ташкил этади.

Фаблет 5,5-дюйм экран (HD), 13-мегапиксель асосий ва фронталь камера, 32 ГБ ўрнатма хотира, карта хажмини ошириши имконини берувчи microSD билан таъминланган.

Саккиз ядроли MediaTek процессори ва 3 ГБ тезкор хотира апарат базаси учун “хизматда”. Қурилма Android операцион тизимида ишлайди. Acer аксессуаридан экрандаги эслатма ва хабарлар кўриниб турадиган махсус тешикли флип-ғилоф ҳам ўрин олган.

Фаблетнинг қайси бозорда сотилиши ва нарх-наво масалалари мавҳумлигича қолмоқда.

 

Сайтимизнинг энг чиройли расмларини Инстаграмдаги саҳифамизда томоша қилинг!