Xiaomi илғор ва арзон Mi Notebook Air’га янада кучли процессор ўрнатди

Xiaomi илғор ва арзон Mi Notebook Air’га янада кучли процессор ўрнатди

Xiaomi компанияси ноутбуклар ишлаб чиқаришда ҳам жаҳоннинг пешқадамларидан бўлиш истагида ўзининг ноутбуклар туркумини янги талқинлар билан мунтазам бойитиб бормоқда. Компания 2016 йилнинг 27 июль куни 13,3 ҳамда 12,5 дюймли Mi Notebook Air ультрабукини намойиш қилган эди. Уларнинг Apple’нинг MacBook Air гаджетига қарши «майдонга» тушгани ҳаммага маълум. Қурилма ҳар жиҳатдан «Олма»нинг маҳсулотига ўхшаб кетади. Хусусан, у тўлиқ металл корпусга эга.

Ўтган йилнинг 2 августидан бошлаб сотувга чиққан ўта юпқа, яъни 12,9 мм.ли корпусга эга, вазни 1,70 кг бўлган Mi Notebook Air Apple’нинг MacBook Air ноутбукидан 350 АҚШ долларга арзонроқ нархда сотилмоқда. Жумладан, ноутбукнинг 12.5 дюйм экранли версияси бозорда $530 доллардан сотилмоқда. Ноутбукда 4 ГБ DDR4 туридаги оператив хотира ва 11,5 соатга етадиган аккумулятор мавжуд.

2016 йилдан ишлаб чиқарилган ноутбукларнинг катта талқини Intel Core i5 ҳамда кичик талқини Intel Core M3, яъни 6-авлод процессорлари билан таъминланган эди. Xiaomi энди 12,5 дюймли Mi Notebook Air ноутбукига янада самарали ишлайдиган Intel Core M3 — 7-авлод процессорини ўрнатишга қарор қилди. Мазкур процессор аввалгисига қараганда 12% тезроқ ишлайди. Шунингдек, унинг доимий ички хотирасининг сиғими 128 ГБ.дан 256 гигабайтга оширилди.

Terabayt.uz сайтининг видеолари: Youtube'даги каналимизда!