Microsoft’нинг бугундан сотилаётган воқелик шлеми — мўъжизакор!

Microsoft’нинг бугундан сотилаётган воқелик шлеми — мўъжизакор!

Microsoft компанияси HP ва Acer компаниялари билан ҳамкорликда тайёрлаган аралаш воқелик шлеми ва виртуал объектларни бошқарувчи пультларни сотувга чиқарди. Гаджет тўлдирилган ва виртуал воқелик технологиясини қўллаб-қувватлагани учун ҳам “аралаш воқелик шлеми” номини олган.

Windows 10 операцион тизимининг кечагина эълон қилинган янгиланган — 10 Fall Creators талқини аралаш воқелик (Mixed Reality) технологиясини қўллаб-қувватлайди. Махсус шлем ёрдамида фойдаланувчи қўшимча воқелик билан ишлаш, жумладан реал ва виртуал буюмлар билан ўзаро ишлаш — устма-уст ёки ёнма-ён қўйиш ва бошқа амалларни бажариши мумкин. Шунингдек, виртуал воқелик технологиясини ҳам қўллаб-қувватлайдиган янги шлем фойдаланувчини батамом янги оламга олиб киради.

Аралаш воқелик билан ишлашда Microsoft махсус контроллер — бошқарув пултини яратган. У виртуал буюмлар билан алоқага киришга ёрдам беради. Гаджетдан фойдаланиш учун хонанин махсус датчиклар билан жиҳозлаш талаб қилинмайди: бу пулт барча параметрлар тўғрисидаги сигналларни тўғри шлемга юборади. Motion controller’нинг ишлашини қуйидаги видеода томоша қилинг.

Бугундан бошлаб дастур ишлаб чиқарувчилар бу қурилмаларни Acer’га 300 доллар (пулт билан бирга 400 доллар), HP’га 330 доллар тўлаб, буюртма қилишлари мумкин. Девайс харидорга ёзда етиб келади.

Сайт янгиликларидан доимий хабардор бўлиш учун Телеграм каналимизга қўшилинг!