Apple инқилобий смартфон технологиясини яратмоқда

Apple инқилобий смартфон технологиясини яратмоқда

Электрон SIM-карталар бугунгача iPad ва бошқа бир қатор гаджетарда, жумладан интернет-буюмларда ишлатиб келинади. Бироқ, iPhone смартфонларида электрон «сим-карта»дан фойдаланилмаган. IHS тадқиқот-таҳлил компаниясининг тасдиқлашича, Apple 2019 йилдан ўзининг телефонларида eSIM моделини татбиқ қила бошлайди.

IHS’нинг гувоҳлик беришича, 2016 йилда eSIM технологиясига эга гажетлар 108,9 миллион дона бўлса, 2021 йилгача уларнинг сони кескин ошиб, 986 миллион донага етади. Ҳозирда жаҳоннинг бирор смартфон модели eSIM технологиясига эга эмас.

Шунингдек, eSIM инновациясини Microsoft ҳам Gemalto компанияси билан ҳамкорликда ривожлантирмоқда. Яқин йилларда бундай сим-карталар Windows 10 девайсида ўрнатилади. Сабаби, бу ноутбукда барча иловалар “булутли” сақлаш омборларида сақланади. Улардан фойдаланиш учун интернет зарур.

«Apple SIM» татбиқ қилнган iPad қурилмаларида планшет ёрдамида 140 мамлакат ва ҳудудлардаги операторларнинг хизматларидан фойдаланиш мумкин. Яъни, бирор ҳудудга борганда алоҳида сим-карат сотиб олишга ҳожат йўқ. Мобил операторлар хизматларига уланиш учун тариф режаларни танлаш кифоя.

Электрон SIM-карта iPhone фойдаланувчисига операторни ҳамда тариф режасини мустақил танлаш имконини беради. Бу танлов қурилма ишлаб чиқарувчиси томонидан назорат қилинади. Яъни, Apple операторлар билан музокара олиб бориб, операторларнинг тарифларини сотувчи дилерга айланади, хизматлар учун маблағ тўловида Apple воситачилик қилади. Бу ўз навбатида Apple ва операторлар ўртасидаги иқтисодий келишмовчиликларни ҳам келтириб чиқариши мумкин.

Шу сабабли, eSIM технологиясини жорий қилишнинг илк босқичида махсус оператор брендларига мўлжалланган смартфонлар ишлаб чиқарилади. Бу моделдаги смартфонни харид қилган фойдаланувчилар айнан шу мобил компания хизматларидангина фойдалана оладилар. eSIM технологиясидан фойдаланиш ҳозирча арзон эмас. Шу боис, қиммат смартфон ишлаб чиқараётган смартфонсозларнинг ҳаммаси ҳам бундай ихтисослашган смартфонлар ишлаб чиқаришга журъат қила олмайдилар.

Terabayt.uz сайтининг видеолари: Youtube'даги каналимизда!